فيديو) ظابط بالحرس الجمهوري: نحن لا نحمي مرسي .. لوكنا نقدر لحمينا مبارك

[كوفي]

أنباؤكم - متابعات:


ناشد أحد ضباط الحرس الجمهورى, المكلف بتأمين محيط قصر الاتحادية, معارضى الرئيس محمد مرسى الالتزام بالسلمية، مؤكدا لهم أن الحرس الجمهوري جزء من الشعب ويعمل من أجل مصالح الشعب وليس مصلحة الرئيس.

ووفقا لبوابة الوفد قال الضابط, الذى يحمل رتبة عسكرية كبيرة: "إحنا مع الشعب وأنا واقف هنا بحميكم مش بحمى الرئيس, وأنا خايف عليكم مش خايف عليه".
وأضاف الضابط موجهاً حديث للمتظاهرين المعارضين للرئيس:"أنا عايز أقولكم حاجة.. الرئس اللى ينزل سلك شائك فى الشارع ضد الشعب.. بيكون "خلاص", لأنه مفيش رئيس بيكلم شعبه من وراء ستار مثل هذه الأسلاك الشائكة وبكدا تكون النهاية قربت".
وتابع الضابط:" مفيش رئيس يكلم شعب من وراء سلك شائك .. وإحنا مش بنحميه .. وأنا بحميكم ولو كنا بنحميه كنا قدرنا على حماية غيره اللى سبقه".
وفى رده على أن الجيش والمشير طنطاوى تركوا السلطة عندما علموا أن الشعب لا يريدهم وعلى الرئيس مرسى العلم بذلك، قال الضابط:" كل حاجة بتحصل فى البلد هو عارفها, وهو أيضا عارف أننا فى محيط قصر الاتحادية عشان هناك معارضون رافضون له..وعارف إن الدنيا خلاص والنهاية قربت وبالتالى أمرنا بالنزول".
وبشأن أخونة الجيش، قال الضابط:"مين بيقول إن الجيش إتخون..لا عمره حصل ولا بيحصل..ومازلنا حتى الآن نتعامل بتقارير أمنية عن كل المجندين الذين يدخلون الجيش".
وكانت قوات الحرس الجمهورى قد انضمت مساء أمس الجمعة مع معارضى الرئيس الرافضين للإعلان الدستورى والمطالبين بتأجيل الاستفتاء على مشروع الدستور.


http://www.youtube.com/watch?feature...&v=MGfz5FMuFXY