::موقع ومنتديات أهالي المذنب الرسمي::

- الأدب والشعر (http://www.almethnb.com/vb/forumdisplay.php?f=30)

- - شاعر متأثر بالكمبيوتر (http://www.almethnb.com/vb/showthread.php?t=22)

شاعر متأثر بالكمبيوتر

فيروس هجرك عطل القلب تعطيـل ...... ودمر ملفات الفـرح فـي حياتـي
ياللي سكنت القلب من دون تحميـل ...... متـى لموقعنـا تشـرف وتـاتـي
عنوانكم ماهـوب ياهـو وهوتميـل ...... عنوانكـم روحـي و قلبـي و ذاتـي
كم مرةٍ أرسلـت لـك عبر الإيميـل ...... وأدورك فـي منتـداي و شـاتـي
وأرسلت لك يا زين فايـلٍ ورى فايـل ...... فيها الغلا والحـب يا أغـلى أمنياتـي
وأرسلت لك قصة عذابي مع الريـل ...... ياللي غيابك هـو سبايـب شقاتـي
دايم عليك أبحـث بياهـو و جوجـل ...... وأنـت ولا تسـأل علينـا بتـاتـي
خابرك بنتيوم فـور أصلـي و إنتيـل ...... لكن خسـارة غيـروك الوشاتـي
وكان الهكر غروك بالقـال والقيـل ...... بأدعي عليهم في سجودي وصلاتي
ياجعلهـم بقعـاء وطيـرٍ أبابـيـل ...... ترمي عليهم بأمـر ربـي حصاتـي
يرضيك من حبك غدى منهك الحيـل ...... ريقي غدى ناشف ويبسـت شفاتـي
أقضي الليالي دمع عينـي هماليـل ...... لا مـن طريتيلـي تـبـدد مبـاتـي
صحـراي جفـت مالفانـا مخاييـل ...... وأنت المزون اللـي تـروّي نباتـي
وياشين حالي لا قريـت المراسيـل ...... في الأوتلوك أذكر قصص ماضياتي
منك حزين الحرف شـاف البهاذيـل ...... وقلبك مثل قرصٍ صلب في القساتي

موقعك في وجهـي مقفـل بتقفيـل ...... حتى البروكسي مانفـع وش سواتـي
بمفضلـة قلبـي عطينـاك تفضيـل ...... أنـت المفضـل عندنـا يا غنـاتـي
ويا زين هجرك عطل القلب تعطيـل ...... ومن غير شوفك وش تساوي حياتي
كني بدونك قرص فـارغ ولا فيـل ...... فاسـد ومرمـي بسلـة المهملاتـي
ماعدت أفرق بين اكسس و أكسيـل ...... وماعدت أفرق بيـن بلتـك وشاتـي
وباشكي على الكيبورد كثر الغرابيل ...... وأكتب على الوورد المطور وصاتي
وهذي النهاية حطها وسـط تظليـل ...... لا مـت ف غيابـك سبايـب مماتـي
وسلامتكم

ههههههههههه ياحليله بقوه متاثر
سلمت لنا هالانامل
ربي يعطيك الف عااااااافيه
لك مني اجمل تحيه

أنامل أنوثه - موادع

نورتوووووووووووا وشكرا لكم على المرور والرد الاجمل .

شمعة المنتدى

خخخ القصيدة بصراحة حللوه ،، لاهنت شمعة

إدريس الشايع

شاكره لك المرور والرد الاجمل .

شمعة المنتدى

هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ هـ

عاش هالتأثر بالكمبيوتر

أحين أنه دايم على الكمبيوتر مايعرف أهله

قوقل شكرا لك على المرور والرد الاجمل ...

شمعة المنتدى

حلوة القصيدة
واضح ان اللي كاتبها -ماشاء الله- صاحب مزاج عالي
ومستهر

رد: شاعر متأثر بالكمبيوتر

ههههههههه تجنن
يسلمو على الطرح الرائع