لحظة وداع الحبيب

[مذنباوي 2008]

اقدم لكم هذه الابيات اتمنى ان تعجبكم وهى تحكى لحظه وداع الحبيب

وقف ولا ترمـي وداعـك بالاعيـان ::: محتاج أنا لـذرة امـل فـي سنينـي
هذي تفاصيل العمر وسـط الاجفـان ::: صوّر واماكن فـي عيونـي تجينـي
والله من تطري وسط عمر الاحـزان ::: كل الفرح من لـون وجهـك يجينـي
مثل المطر يركض على الارض ولهان ::: هـذا انـت دايـم بالولـه محتوينـي
يكبر غيابك لو كبر وسـط الاشجـان ::: يكبر معه في شـوق عمـري حنينـي
الماي في قلبي مـن الشـوق كثـران ::: صبيت دمعي وشفـت قلبـك بيدينـي
قلت احضنه في وسط يديني على شان ::: مايلمس أطرافـه حـزن مـن ونينـي
حتى ولـو اختـرت فرقـاك عنـوان ::: يكفي بيدينـي قلـب عمـرك يبينـي
ماهي حكاية انـت رابـح وخسـران ::: او هـي حكايـة ياابـيـك وتبيـنـي
المسأله روحين فـي داخـل انسـان ::: شفتك رحلت وشفت روحك في عيني
غمضت أرد الروح من خلف الأجفان ::: عشان أصـدق كذبتـي انـك تجينـي

دمتم بوافر الوّد والمحبة