جيت البحر وأبديت همي للامواج
حيث ان قلبي يصطفق مثل موجه
جرح الزمن والحب مافي له علاج
وين الحبيب اللي تسلي هروجـه
في سكة العشاق أسايرك محتـاج
وقف بدربي دنيتي منـك عوجـه
ياصاحبي مثلك مع الخلق مـاداج
عليك أنادم مـن تعالـت بروجـه
كل ماتلاقينا ليا تحرجني احـراج
أحرجتني والقلب تصرخ فروجـه
الحزن يالغالي يداهمنـي أفـواج
بعدك فضاة الكون ضاقت فجوجه
الحب يكبر والشقاء شيـد أبـراج
ماجاء رسول الشوق ناطر هروجه