لاتطري الفرقآ ولا تقول باروح
الروح قبل أتروح خذها أمانه
ذبحتني بحبك وأنا فيك مذبوح
ورهنت قلبي لجل عينك رهانه
أتذكرك يوم المحبه لها روح
يوم إن غلاك بخافقي له مكانه
أتذكرك يوم الوصل كان مسموح
يوم الليالي علمتني حنانه
ايام راحت كلها ضحك وأمزوح
لاكن ظروف الوقت شانت زمانه
لامن ضواني الليل زاد السهر نوح
وعزاي لقلب (ن) تعذب عشانه
أسهر وانا في غيبتك كلي أجروح
وصار الحزن بيني وبينه ميانه
أسهر ودمع العين في ناظري يفوح
وكبدي من جروح الليالي ضمانه
جرحتني ياغاية القلب والروح
وأسقيتني مر العذاب وهوانه
مبطي وانا قلبي من الحب مجروح
وعقب البطا شفت القهر والخيانه