رثاء بالمرحوم/ عمر بن عبدالله الشمسان تغمده الله بواسع رحمته
 

https://pbs.twimg.com/media/C83EBf8XkAAwXTS.jpg

رثاء بالمرحوم/عمر بن عبدالله الشمسان
الذي وافته المنية يوم السبت ٢٦ / ٦ / ١٤٣٨هـ
بحادث مروري ، تغمده الله بواسع رحمته



يامل قلب ٍ كن به دق مسمار
والحال من زود العنا مستخفه


هموم قلبي ياملا كبر سنجار
والعين فيها عن حلا النوم عفه



على رفيق ٍ عقبه الفكر محتار
والدمع من فرقاه ازريت كفه



عليك ياللي حط بالقلب تذكار
وأخذت أنا وياه بالوقت لفه

وعليك ياللي لك مع الناس مقدار
متخالطٍ مابين طيبٍ وعفه



مير الرجاء باللي للأقدار يختار
اللي على الضيقات حالي يرفه



يالله عسا قبره بختري ونوار
في جنة الفردوس يختار شفه



ويصبر اللي دمعها دوم مدرار
حتى غدا للرمش والعين رفه



يالله تصبرها على كل ماصار
وان ضاق خاطرها برجواك صفه



استودعتك الله (ياعمر) بيد غفار
ربٍ كريمٍ باسطٍ دوم كفه



ويالادمي لاتنخدع ويش ماصار
نهاية المشوار (خامٍ ولفه)


https://e.top4top.net/p_464f18pk1.jpg



الشاعر:ابراهيم بن محمد الشمسان
الأربعاء 1 / 7 / 1438هـ

رد: رثاء بالمرحوم/ عمر بن عبدالله الشمسان تغمده الله بواسع رحمته
 

رحم الله الفقيد الغالي : أبا عبدالله عمر الشمسان
ذلك الرجل الطيب الخلوق المُحب للخير وأهله،

صح لسانك أخي العزيز: أبا محمد
على هذه الأبيات المؤثرة جداً ،
ولا أراك ربي سوءاً أو مكروهاً ..