ياوالد الشعب الوفي

[وائل الحلفي]

المجد راس وفعلك اليوم هامه
حقايق ٍ ماهي دعايات واوهام

حقايق ٍ تبقى ليوم القيامه
في صفحة التاريخ تكتب بالاقلام

ياسيدي حنكة وراي وفهامه
و لك بالسياسة طول خبرات والمام

ولا فيك ميل الا عقال العمامه
وباقيك عدل ٍ يرضي الخاص والعام

يامن حضا شعبه بجل اهتمامه
اوامرك مافيهن.. امرنٍ ..مهو..هام

يا والد الشعب الوفي.. يا امامه
شكراً من الشعب السعودي لك..شمام

شعب ٍعليه افضال جودك..غمامه
استرسلت في غيثها ..عم الانام

يرفع يديه لخالقه في قيامه
انه يمد بعمرك عقود .. واعوام

يدعي لك وصدق الولا لك نظامه
وينعم بظلك في رغد عيش وينام

ينام مستامن ويهنا منامه
ونفسه وعرضه دونها شرع وحسام

الحمد للي رجعك بالسلامه
ولبسك ثوب العافيه عقب الاسام

[محب المذنب]

صح لسان الشاعر

[كبريآء أنثى]

صح لسان شاعرها و صح نقلك اخوي
دمت بخير